Disculpa, pero esta entrada está disponible sólo en gallego. For the sake of viewer convenience, the content is shown below in the alternative language. You may click the link to switch the active language.
A presidenta da Deputación de Pontevedra, Carmela Silva, presentou esta mañá na estación de tren de Vigo-Guixar o «Atlántico Express», o tren que unirá por segundo ano consecutivo as cidades de Vigo e Porto para promocionar os 8 + 1 festivais musicais que se desenvolverán este verán na provincia, os «Festivais Rías Baixas».
O «Atlántico Express» sairá da estación de Vigo-Guixar o vindeiro 3 de xuño ás 8:56 horas «para promocionar algo extraordinario, fantástico, rompedor, único e auténtico como son os #RíasBaixasFests«, 8 + 1 citas «que non deberás perder», sinalou a presidenta. Na viaxe en tren, a música en directo de Najla Shami, Mounqup e Basanta-Cromestesia.
Os Festivais Rías Baixas son o Atlantic Fest (A Illa de Arousa), Cultura Quente (Caldas de Reis), PortAmérica (Caldas de Reis), O Marisquiño (Vigo), SinSal SON Estrella Galicia (Illa de San Simón), SonRías Baixas (Bueu), Revenidas (Vilaxoán de Arousa) e Vive Nigrán (Nigrán), ademais dunha edición especial en Cambados por ser este ano Cidade Europea do Viño. O tren volverá ser o escenario da presentación dos #RíasBaixasFests e por primeira vez participan na viaxe blogueiras e blogueiros, instagrammers e xornalistas de Porto.