Viaxamos a Ghana con Casa África: Vis a Vis 2019

Viaxamos a Ghana do 15 ao 17 de marzo. Por segundo ano consecutivo, o Festival Sinsal SON Estrella Galicia participa no encontro profesional Vis a Vis, que se leva celebrando sete anos. Vis a Vis é o Encontro Profesional entre promotores españois e artistas de África que Casa África leva desenvolve para garantir a maior presenza de música africana nos escenarios estatais xa que as bandas seleccionadas fan xira e para contribuír á xerar industria cultural en África.

En 2018 Sinsal SON Estrella Galicia participou na edición celebrada con Guinea Ecuatorial e os ecuatoguineanos Nelida Karr e Alex Ikot, coas súas respectivas bandas, actuaron na Illa de San Simón (Redondela). En 2019 asistiremos a 12 concertos (de 65 artistas que se presentaron ao programa), dos que sairán dúas bandas seleccionadas: Della Hayes and Her Women of Colour, Elom, Fra, Gyatabuom and The Lions, Kakatsitsi, King Ayisoba, Kyekyeku & Ghanalogue highlife, Lamisi /Soulstreet Band, Ssue & The Ananse Band, Weku Kronkron Band e Yibor Afric Band.

Os programadores que participan no proxecto Vis a Vis 2019 e que asisten a Accra (Ghana) son: La Mar de Música (Cartagena), Pirineos Sur (Huesca), Etnosur (Alcalá La Real, Jaén), Festival Internacional Heineken Jazz & Más de Canarias (Islas Canarias), Mumes (Tenerife), Imagina Funk (Torres, Jaén), SinSal SON Estrella Galicia (Redondela, Pontevedra), The Project (Festival Porta Ferrada Barcelona), Productor Doctor Zhivago (Madrid) e Diputación de Jaén.